Monday, December 6, 2010
Sunday, December 5, 2010
Tuesday, July 13, 2010
Tuesday, July 7, 2009
رجوع فجري على إيديكي
مفيش غيرِك
يعدّي البحر من تانى
بيوصل بين قلوب الناس وأحزانى
يصد السهم عن صدري
يحط الورد فوق قبرى
بيسمع في السكون قلبي
مفيش غيرِك
تعزّيه القلوب فيّه
بيبكى بْحرقته عليّه
يقول عنّى: هترجع ويّا فجر جديد
ومهما الغربه هتطوّل
هترجع والايمان بيزيد
تلبى ف كل أشواقى
تزورنى.. زىّ بحر عنيد
ساعات بيفارق الرمله
لكن يجرى.. ويمسك حتّه من شالها
هترجع لاجل اقول ليها:..
( ده ورد الدنيا يا دنيا..
تِعب.. واتهد
ولو هاغلط في يوم في العَد
أكيد عايشه..في تفكيرك
في حسبه عرفنا أخرتها
مفيش غيرِك )
2006
للفرجة بس
عروسه جميله فوق الرف
تغنّى ياليل وبتصقف
بتسهر ليلها بتزوّق ضفايرها
وتغزل توب جميل أبيض
بتشبك فيه فصوص ألماظ على ترتر
وكان أول زبون يدخل يبص عليها ويصفر
مِسِك ايديها..وْ بدأ رقصه
لمس إحساسها بعيونه..
وينقلها لسما زاهيه
يبدّل وَحل أيامها بْمياه صافيه
تفكّرها الحقيقه بعينها مش واهيه
ويسقى ف كل شريان فيها غنوة عشق
بيسرق منها دنيتها.. ما تعرف فرق..
مابين عتمه وْمابين البرق
وقبل نهاية الرقصه..وقف فجأه
ورجّعها بايديه للرف
لكن ضافره نَتَش توبها
دموعها تغرق الفستان ومايحسش
ماهى ف نظره.. دموع لعبه
ويمشى بعيد بعيد عنها
بيقطع حبل أحلامها
يضلّم شمس قدمها.. ويرغمها..
تصرخ بس جوّاها ومن غير حس
تقول " خُدنى ولو بالبخس"
ويسأله تاجر الدكان: "ألفها ليك..؟"
ويؤلمها انها تسمع:"باشوفها وْبس"
تغنّى ياليل وبتصقف
بتسهر ليلها بتزوّق ضفايرها
وتغزل توب جميل أبيض
بتشبك فيه فصوص ألماظ على ترتر
وكان أول زبون يدخل يبص عليها ويصفر
مِسِك ايديها..وْ بدأ رقصه
لمس إحساسها بعيونه..
وينقلها لسما زاهيه
يبدّل وَحل أيامها بْمياه صافيه
تفكّرها الحقيقه بعينها مش واهيه
ويسقى ف كل شريان فيها غنوة عشق
بيسرق منها دنيتها.. ما تعرف فرق..
مابين عتمه وْمابين البرق
وقبل نهاية الرقصه..وقف فجأه
ورجّعها بايديه للرف
لكن ضافره نَتَش توبها
دموعها تغرق الفستان ومايحسش
ماهى ف نظره.. دموع لعبه
ويمشى بعيد بعيد عنها
بيقطع حبل أحلامها
يضلّم شمس قدمها.. ويرغمها..
تصرخ بس جوّاها ومن غير حس
تقول " خُدنى ولو بالبخس"
ويسأله تاجر الدكان: "ألفها ليك..؟"
ويؤلمها انها تسمع:"باشوفها وْبس"
2007
¨ فازت القصيدة فى المسابقة الأدبية لموقع " بص وطل " الثقافى عام 2008 ، ونشرت مع الأعمال الفائزة فى كتاب أصدره الموقع ،وحمل الكتاب اسم " شنطة سفر " .
Thursday, June 25, 2009
فينك يا أحلى معاد؟
يا قفل كبير على بابى
بتمنع عنى أحبابى
بتحبسنى..
وتكتم فيّه أنفاسى
أنا المسجون لإحساسى
سؤال مُضنى.. لإمتى ايديك تكتفنى؟
* * *
تدق الساعه جوّه القلب
وبتمرّ الساعات أعوام
فى ليل السجن من غير ذنب
وباجرى بعينى ع الترابيس وع الأبواب
واقول ياما نفسى أبقى شباب
أشيل من تانى بلّوره.. من الحكايات
وضحك، آهات..
ميزان خطوات بيعدل بين قلوب الناس
* * *
أنا موظف بادور فى الساقيه من صغرى
تدوسنى نعالهم الغاليه.. شكيت ؟ عمرى!
ووقت ما شعرتين إبيضوا من شعرى..
يجينى الأمر اطلع بالمعاش بدرى!
* * *
تمرّ سنين وقفلى حديد..
يدوّبنى.. وهوّه شديد
متبّت فيّه مش حاسس
بكل ألم يبكينى.. فى صبح جديد
* * *
تمرّ سنين وقفلى واقف لى بالمرصاد..
وبكره الجاى.. يمنّينى بأحلى معاد
أشق كيانى لاجل افتح فى خمسين باب
ومن تانى..
تزورنى اللمّه والأصحاب
واقول ليهم " يامرحب انتو مش أغراب"
2005
بتمنع عنى أحبابى
بتحبسنى..
وتكتم فيّه أنفاسى
أنا المسجون لإحساسى
سؤال مُضنى.. لإمتى ايديك تكتفنى؟
* * *
تدق الساعه جوّه القلب
وبتمرّ الساعات أعوام
فى ليل السجن من غير ذنب
وباجرى بعينى ع الترابيس وع الأبواب
واقول ياما نفسى أبقى شباب
أشيل من تانى بلّوره.. من الحكايات
وضحك، آهات..
ميزان خطوات بيعدل بين قلوب الناس
* * *
أنا موظف بادور فى الساقيه من صغرى
تدوسنى نعالهم الغاليه.. شكيت ؟ عمرى!
ووقت ما شعرتين إبيضوا من شعرى..
يجينى الأمر اطلع بالمعاش بدرى!
* * *
تمرّ سنين وقفلى حديد..
يدوّبنى.. وهوّه شديد
متبّت فيّه مش حاسس
بكل ألم يبكينى.. فى صبح جديد
* * *
تمرّ سنين وقفلى واقف لى بالمرصاد..
وبكره الجاى.. يمنّينى بأحلى معاد
أشق كيانى لاجل افتح فى خمسين باب
ومن تانى..
تزورنى اللمّه والأصحاب
واقول ليهم " يامرحب انتو مش أغراب"
2005
أهديها لمسرح قصر ثقافة المنصورة الذى أغلق بابه فى يوليو2005 ، ثم فُتح بابه من جديد فى أغسطس 2008 بعد ترميم المبنى بأكمله .
نُشرت فى جريدة الرأى السنة 16 العدد 831 .
في عيونك أهلي وخلاني
في عيونك أهلي وخلاني
أرجوك ماتغرّبنيش تاني
خلّيني معاك يسعدني هواك
يجمعنـــي لقـــاك
بعيون من شوقك حاضناني
ما عيونك أهلي وخلاني
* * *
في عنيك أنا أجمل من في الكون
وايديك أجمل وأشد غصون
فوقها يْغرد طير أغصاني
ما عيونك أهلي وخلاني
* * *
ليه تختار بُعدَك عن عيني ؟
فى بْعادك تقسى تبكيني ؟
محتاجه لقلبك صدقني
ويّايا يْزوّق لىِ سنيني
وبْــإيــدك تــمسح أحــزانى
ما عيونك أهلي وخلاني
* * *
في عيونك أهلي وخلاني
أرجوك متغرّبنيش تاني
خلّيني معاك يسعدني هواك
يجمعنـــي لقـــاك
بعيون من شوقك حاضناني
أرجوك ماتغرّبنيش تاني
خلّيني معاك يسعدني هواك
يجمعنـــي لقـــاك
بعيون من شوقك حاضناني
ما عيونك أهلي وخلاني
* * *
في عنيك أنا أجمل من في الكون
وايديك أجمل وأشد غصون
فوقها يْغرد طير أغصاني
ما عيونك أهلي وخلاني
* * *
ليه تختار بُعدَك عن عيني ؟
فى بْعادك تقسى تبكيني ؟
محتاجه لقلبك صدقني
ويّايا يْزوّق لىِ سنيني
وبْــإيــدك تــمسح أحــزانى
ما عيونك أهلي وخلاني
* * *
في عيونك أهلي وخلاني
أرجوك متغرّبنيش تاني
خلّيني معاك يسعدني هواك
يجمعنـــي لقـــاك
بعيون من شوقك حاضناني
نشرت فى مجلة " حواء " العدد 2515 .
غيوم فى القلب
أنا الظالم وانا المظلوم
حاولت كتير أفكّ غيوم على قلبى
أطير بجناحى اعدّى سمايا من تانى
تجينى الدنيا حاضنانى
لكن تفاجئنى فى الضلمه..
بموجها العاتى لاطمانى
دى لعبه صنعتها بإيدى
وفيها عملت باب مسحوربيمنع نور
كسرت ف لعبتى.. ولاقيت..
أنا المكسور
* * *
أنا شمشون..
وياما الناس قالت عنّى إن أنا مجنون
عشان كافر بسيف الظلم "كلمتهم"
وقفت ف مجرى أيامهم
لكن غلبتنى كترتهم..
ودوقت الشر
مرارته ف حلقى خلتنى.. ضليع فى الظلم
وحتى الحلم..
عشانه رميت فِداه عمرى
بيجرى وانا.. وراه باجرى
ياريتنى اعرف واخدنى لفين
ده باقى العمر عاد لى حزين
ردم ويّاه عيون سحري
* * *
أنا القرصان وأنا الغرقان
دخلت سفينه عرّيتها
حرمت الطفله من بيتها
وحتّى الأم..
مسكت ايديها افتتها
غرقت ف دمّها وقلبى.. بقى الخسران..
لنيل ايدها..وانا منها
لكن عشت السنين ناسى انّ انا..
إنســـــــان
2005
حاولت كتير أفكّ غيوم على قلبى
أطير بجناحى اعدّى سمايا من تانى
تجينى الدنيا حاضنانى
لكن تفاجئنى فى الضلمه..
بموجها العاتى لاطمانى
دى لعبه صنعتها بإيدى
وفيها عملت باب مسحوربيمنع نور
كسرت ف لعبتى.. ولاقيت..
أنا المكسور
* * *
أنا شمشون..
وياما الناس قالت عنّى إن أنا مجنون
عشان كافر بسيف الظلم "كلمتهم"
وقفت ف مجرى أيامهم
لكن غلبتنى كترتهم..
ودوقت الشر
مرارته ف حلقى خلتنى.. ضليع فى الظلم
وحتى الحلم..
عشانه رميت فِداه عمرى
بيجرى وانا.. وراه باجرى
ياريتنى اعرف واخدنى لفين
ده باقى العمر عاد لى حزين
ردم ويّاه عيون سحري
* * *
أنا القرصان وأنا الغرقان
دخلت سفينه عرّيتها
حرمت الطفله من بيتها
وحتّى الأم..
مسكت ايديها افتتها
غرقت ف دمّها وقلبى.. بقى الخسران..
لنيل ايدها..وانا منها
لكن عشت السنين ناسى انّ انا..
إنســـــــان
2005
شيماء عزت
ساعة اللقا
يا بحر ملّيت الرجوع
لمدينه أنفاسها الدموع
أرجوك يا بحر تسيبنى حبّه..
أنسى ويّاك اللى ضاعوا من الأحبه
هات إيديك نرقص سوا
هاتزفنا.. كل الطيور
ونلاقى نوريصاحبنا ويشق السما..
على كل خطوه ف رقصنا
ساعة مرح..
نخطفها من قلب المحن من غير ندم
* * *
يا بحر فيك..
من شَعر والدى وْمن عنيه
مدِّةْ إيديه
قبل الندا.. زيّك كده
ولا يوم شكى.. حِمله التقيل
* * *
يا بحر لسّه عيون مدينتى تبص لك..
وبترسمك علامات تعجّب م القلق..
الكون بدأ..
يعرف هوانا اللى انكتب قبل اللقا
عارفين هتجمعنا الحياه
تمزج قلوبنا ف قلب واحد
زى عود عايش بلمسه من النغم..
* * *
قلبى الغريق محتاج إيديك
جيت شايلاهولك فى الكفوف
شيل عنّه حزنه وأىّ خوف
إمسك قلم
لاجل اترسم..
ميّة بحيره مْشقشقه من غير ألم
2005
لمدينه أنفاسها الدموع
أرجوك يا بحر تسيبنى حبّه..
أنسى ويّاك اللى ضاعوا من الأحبه
هات إيديك نرقص سوا
هاتزفنا.. كل الطيور
ونلاقى نوريصاحبنا ويشق السما..
على كل خطوه ف رقصنا
ساعة مرح..
نخطفها من قلب المحن من غير ندم
* * *
يا بحر فيك..
من شَعر والدى وْمن عنيه
مدِّةْ إيديه
قبل الندا.. زيّك كده
ولا يوم شكى.. حِمله التقيل
* * *
يا بحر لسّه عيون مدينتى تبص لك..
وبترسمك علامات تعجّب م القلق..
الكون بدأ..
يعرف هوانا اللى انكتب قبل اللقا
عارفين هتجمعنا الحياه
تمزج قلوبنا ف قلب واحد
زى عود عايش بلمسه من النغم..
* * *
قلبى الغريق محتاج إيديك
جيت شايلاهولك فى الكفوف
شيل عنّه حزنه وأىّ خوف
إمسك قلم
لاجل اترسم..
ميّة بحيره مْشقشقه من غير ألم
2005
نُشرت فى جريدة القاهرة فى السنة السادسة، العدد 296
لوحه مرسومه
اللوحه مرسومه وْكما مرايه لعنيك..
مع إن غيرها بتتقرا..
فاكرين فؤادك راح يموت على دنيته
مع إنه مات من غدرها
الكل حاسس فيك رجوع..
والحس سابك من زمان ؟
ماشى وْماضيك في يمين إيديك..
يمنع عنيك تحلم بفجر
أمّا الشمال بتدارى عنهم..
خوف بيرعش في الوجود..
لتخطىّ يومك أو تعدّى على الحدود
وعنيك بتهرب م العيون
شايفينها نيل..
والطير بيرقص ع الضفاف
ما شافوش بعيد..
كان يلمحوا ف عينك جفاف
وقدرت تخدعهم سنين ؟
يمكن ببسمه وْوقفه صلبه لجبهتك
وانت اللى مقتول من إيديهم..
ضحكه عاليه لدمعتك ؟ !
وحاولت تجرى بْقلبك الأبيض وتلجأ للجنون
لكن الجنون يقفل في وشك ألف باب
ولا حتى قادر يوم بعقل الناس تعيش
عايش بتندم في الحياه على غلطتين
أول غلط شدّك خضار عودك إليه
والتاني تمنع روحك المشتاقه ليه
قبل الوقوع بدقيقه فيه
وجريت بتنده..
حلم سافر في الربوع من غير رجوع
* * * *
اللوحه مرسومه وْكما مرايه لْعنيك
أقدم وأجمل لوحه عندك..
دارى لوحتك بالستاره ْوهدّها
تقدر في يوم على وأدها..
2001
مع إن غيرها بتتقرا..
فاكرين فؤادك راح يموت على دنيته
مع إنه مات من غدرها
الكل حاسس فيك رجوع..
والحس سابك من زمان ؟
ماشى وْماضيك في يمين إيديك..
يمنع عنيك تحلم بفجر
أمّا الشمال بتدارى عنهم..
خوف بيرعش في الوجود..
لتخطىّ يومك أو تعدّى على الحدود
وعنيك بتهرب م العيون
شايفينها نيل..
والطير بيرقص ع الضفاف
ما شافوش بعيد..
كان يلمحوا ف عينك جفاف
وقدرت تخدعهم سنين ؟
يمكن ببسمه وْوقفه صلبه لجبهتك
وانت اللى مقتول من إيديهم..
ضحكه عاليه لدمعتك ؟ !
وحاولت تجرى بْقلبك الأبيض وتلجأ للجنون
لكن الجنون يقفل في وشك ألف باب
ولا حتى قادر يوم بعقل الناس تعيش
عايش بتندم في الحياه على غلطتين
أول غلط شدّك خضار عودك إليه
والتاني تمنع روحك المشتاقه ليه
قبل الوقوع بدقيقه فيه
وجريت بتنده..
حلم سافر في الربوع من غير رجوع
* * * *
اللوحه مرسومه وْكما مرايه لْعنيك
أقدم وأجمل لوحه عندك..
دارى لوحتك بالستاره ْوهدّها
تقدر في يوم على وأدها..
2001
¨ نُشرت فى جريدة العروبة السنة 14 العدد 719 ، 20 رمضان 1428 هـ .
رجعنالَك
يابيتنا خلاص رجعنالَك
ويحلالَك..
ليالى الود والأحلام
عرايس نور بتتجمّع على هلالَك
على خدودَك بتتمايل وتتحايل..
تعيش فى حماك..
لآخر العمر
ويحلالَك..
ليالى الود والأحلام
عرايس نور بتتجمّع على هلالَك
على خدودَك بتتمايل وتتحايل..
تعيش فى حماك..
لآخر العمر
¨ أهديها لقصر ثقافة المنصورة،فقد أغلق فى عام 2006 من أجل ترميمه،ثم أفتتح فى 18 / 8 / 2008، ليبدأ العمل فيه فى فبراير 2009 .
Monday, December 29, 2008
سندريلا .. والحياه
شوف سندريلا النايمه حالمه ..
بالحياه فوق القمر ..
تحلم همومها اتبخرت ..
وانّ الخلايق لاجل عيدها اتسخرت ..
وانْ مرّه شافت في السما بدايات غيوم ..
تقفل عنيها وتتحبس في سجون هموم ..
ويدوب جناحها الشمع لو قاست ليوم !
* * *
شوف سندريلا بشوقها عايمه ..
في البحيره .. ويشاغلها من هناك نور القمر ..
يفرد بساطه لاجل تطمّن عليه ..
نزلت نجومه وْ كوّنت حواليها هاله من الطهاره
والوحوش بيفكروا ف صيد العذارى ..
يلبسوا وْشوش أوليا ..
تلمع عيون السندريلا ف سبحه وْبخور أدعيه..
وف عز نومها كان هجوم ..
نسيت بإن الدنيا حرب ..
الشر يقطف من طهارة الأغبيا ..
صحيت على عيون النهار ..
أهل البلد بعد اغتصابها ..
يحسبوها الشوق غلبها ..
وحش منهم قالّهم : " السندريلا الفاجره لازم تتجلد"..
تنزف ياعيني لوحدها ..
وْكرهت خلاص لمحة ضيا ..
* * *
ياسندريلا الدنيا دايما خير وشر ..
شيماء عزت حافظ
والعتمه لما تنتشر ..
هيبان لنا نور القمر ..
نسيت بإن الدنيا حرب ..
الشر يقطف من طهارة الأغبيا ..
صحيت على عيون النهار ..
أهل البلد بعد اغتصابها ..
يحسبوها الشوق غلبها ..
وحش منهم قالّهم : " السندريلا الفاجره لازم تتجلد"..
تنزف ياعيني لوحدها ..
وْكرهت خلاص لمحة ضيا ..
* * *
ياسندريلا الدنيا دايما خير وشر ..
شيماء عزت حافظ
والعتمه لما تنتشر ..
هيبان لنا نور القمر ..
ملامح
"منين ضى السعاده يهل" ؟
سؤال حاير ..
تملًي تقوله لي مرايتي..
وتجري الايد على المكياج ..
أحط أخضر على الوردى ..
فى نفسي أعمل ملامح تانيه غير وشى ..
عشان يمكن أتوه عنّى ..
ومعرفش باحس ساعات ..
بإن الغربه واخدانى بعيد منّى ..
واحس الحزن بيغيم سما الننى ..
ولكن غنوتى بتعلى فى ضى عيون مقابلنى ..
ويسخر منّي كام تمثال لناس فاضيه ..
ومانيش عايزه أكون تمثال ..
لكن نفسى..
فى كل الناس يبصوا لى بإنى مثال..
من الإنسان وأخلاقه ..
وأخاف ليكون جزاءه ف يوم ..
إهانه ْوضربه جايه له ورا ضهره ..
وبارفض أجيب حاجات ليّه ..
وأقدمها على جناح الموده لغيرى فى هديّه ..
فتبتسّم عنيه فيّه ..
وبامشى وْشايله جوّايا عطش أحلام
لأحضان أب غاب عنّي بقاله سنين ..
وقلبى لحضنه كله حنين ..
ورغم البعد ..
بالاقى عيونه حاضنانى فى عم سليم ..
بيهري نهاره لاجل يبيع علب مناديل ..
وأقابله ف قلب أستاذى ..
ْوعصايته الدافيه والقاسيه..
وأقابله ف قلب شاعر حى ..
وجوّه قصيده حلوه لاقيتها منسيه ..
* * *
يا قلبى اصبر على المكتوب ..
وحاول تبدر الضحكه ف قلوب الناس ..
وشيل فى إيديك شعاع الشمس ..
يزهّر فى القلوب الحس ...
خـــــــوف
قاعد جواك ..
قافل على نفسك حلم العمر ..
خايف لتقوله عنيك السمر ..
وبتكره ليلك يرمى حموله عليك ؟
ليل قاسى يبكى عنيك ..
وبيقلق فيك ..
وتقيس فى حيطان الشقه دى رايح جاى ..
وتقول فى كلام م الخوف ..
هوّه التعويذه ف ضد الجاى ..
وإن شوفت ملامحك جوّه مراية الشاى
بتنفض فيك رعشه ..
والخوف بيقيد أنفاسك ..
خايف من بكره وْ من أمسك ..
خايف من يأسك .. من همسك ..
خايف لهزيمتك بكره تكون ..
أقرب لك أكتر من نفسك ..
وبتسمع أى جرس ليها .. وتقف ضدك
وانت لوحدك ..
لكن بتشوف الناس حواليك ..
وبتجرى وراك ..
ده لأنك مش لابس حاجه ..
نفسك فى قماشه ..
وْقبل مايوصلوا ليك ..
ويقيموا عليك الحد ..
علشان ولاحد ..
هيحس بألمك ..
يوم ما تموت
من غيرك
جميل البحر من غيرَك ..
باسلم قلبى للموجه المعديّه ..
تاخدنى بْشوق وحنيّه
وباستغرب ..
ده كان البحر فى عيونَك ..
باشوفه غريق مالوش آخر ..
وكنت اسبح كريشه بتطحن جوّاه وبتكابر
وكان كرباج غضب ثاير..
بنفخه ْمعاها تأثيرَك
جميل البحرمن غيرَك
* * *
جميله السكه من غيرَك
باشوفها حقيقه أدّامى ..
وبكره اوصل لأحلامى ..
وكنت تشوفنى زى الطير فى صوته السحر
حبست الطير فى جوّه قفص ..
وحطيته فى عرض البحر ..
وظنيت عمره مايقدر يفك الأسر ..
لكن طيرك كسر قضبانك الهشه ..
ولو هايطير سنين وحده ..
ولا يرضى بْسراب عشه
ولا يرضى .. يكون ورقه ...
بيلعب بيها أمشيرَك
جميله السكه من غيرَك
* * *
جميل الحب من غيرَك
وأصل الحب..
فى زهره جميله برّيّه ..
تعيش بالشمس والميّه..
رويتها بدمّى ودموعى
وخوف م الريح ..
فى جوّه القلب خبيتها
وكان ردّك..
منعت الشمس عن بيتها ..
وجيت بايديك تفتتها
وكان همّك فى قطف الزهره توهمها :
"بتوهبها لحياه أجمل" بتعبيرَك
جميل الحب من غيرَك ..
وصدقنى ..جميله حياتى من غيرَك
وكان ردّك..
منعت الشمس عن بيتها ..
وجيت بايديك تفتتها
وكان همّك فى قطف الزهره توهمها :
"بتوهبها لحياه أجمل" بتعبيرَك
جميل الحب من غيرَك ..
وصدقنى ..جميله حياتى من غيرَك
Subscribe to:
Posts (Atom)