خـــــــوف

قاعد جواك ..
قافل على نفسك حلم العمر ..
خايف لتقوله عنيك السمر ..
وبتكره ليلك يرمى حموله عليك ؟
ليل قاسى يبكى عنيك ..
وبيقلق فيك ..
وتقيس فى حيطان الشقه دى رايح جاى ..
وتقول فى كلام م الخوف ..
هوّه التعويذه ف ضد الجاى ..
وإن شوفت ملامحك جوّه مراية الشاى
بتنفض فيك رعشه ..
والخوف بيقيد أنفاسك ..
خايف من بكره وْ من أمسك ..
خايف من يأسك .. من همسك ..
خايف لهزيمتك بكره تكون ..
أقرب لك أكتر من نفسك ..
وبتسمع أى جرس ليها .. وتقف ضدك
وانت لوحدك ..
لكن بتشوف الناس حواليك ..
وبتجرى وراك ..
ده لأنك مش لابس حاجه ..
نفسك فى قماشه ..
وْقبل مايوصلوا ليك ..
ويقيموا عليك الحد ..
علشان ولاحد ..
هيحس بألمك ..
يوم ما تموت