مفيش غيرِك
يعدّي البحر من تانى
بيوصل بين قلوب الناس وأحزانى
يصد السهم عن صدري
يحط الورد فوق قبرى
بيسمع في السكون قلبي
مفيش غيرِك
تعزّيه القلوب فيّه
بيبكى بْحرقته عليّه
يقول عنّى: هترجع ويّا فجر جديد
ومهما الغربه هتطوّل
هترجع والايمان بيزيد
تلبى ف كل أشواقى
تزورنى.. زىّ بحر عنيد
ساعات بيفارق الرمله
لكن يجرى.. ويمسك حتّه من شالها
هترجع لاجل اقول ليها:..
( ده ورد الدنيا يا دنيا..
تِعب.. واتهد
ولو هاغلط في يوم في العَد
أكيد عايشه..في تفكيرك
في حسبه عرفنا أخرتها
مفيش غيرِك )
2006
نصوص جميلة جدا
ReplyDeleteوماسكة الحالة كويس
أتمنى أشوف جديدك دايما
تحياتي
رائعة يا شيماء
ReplyDeleteأنا قريت ديوانك
بجد مذهل وحقيقي قوي